Lo comissari Magret recentament nomiat e qui torna donc en lo son país autonòme de « Gasconha-Dessús » qu'es conohrontat a ua enigma de las peludas ! : Un lèd creat qui s'apèra eth-medix « Zocalfar » qu'a decidit de denegar l'especificitat gascona de la lenga occitana d'aqueth parçan de Gasconha.
E que magina un salopèr de virús qui hè perir las formas especificas deu parlar gascon tant dehens los ordinators com preus gents qüan pàrlan... Urosament lo comissari Magret, ajudat per un pariatge de « hlics » d'elei, qu'enquista... e que sauverà lo parlar gascon d'ua acabada mau-volenta... A l'encòp raconte trufandèr e d'anticipacion, chicòi roman a "claus", reflexion seriosa sus l'aviéner e la plaça deu gascon dens la lenga occitana, tot aquò e mei encoèra que i cap hens aqueth liberòt qui legiratz solide au permèir, dusau o tresau grad...
Jan-Loís LAVIT, vadut en 1959 a Lorda, en Lavedan, qu'es regent caminaire en Bigòrra. Premiat mantuns còps aus Calams Biarnés, qu'obtienó lo Prèmi Pau Froment en 1996 per la soa pastorala « Pelòt ».
